Abondèr a la mission Magellan

qu’auràm apercebut la sason pregona
on lo sancèr vueit e’s devisa shens nos
ua lenga infinidament imparciau

shens ondradura ni color mei que los nostes sauneis

(un frostilh seguit de hons de seuva)

que s’auràm desbrembat ço que vienem har
aciu doman mei luenh a jamei en loc mei
tostemps aquiu shens tèrmièra shens travadèr
shens espessor a ço qui’ns desconeish

(ço qui’ns desconeish ei shens prètz)

l’impensat l’inarcuelhiu lo despoblat de nos
mondvirat de la soa quietud arrajant
sus nos lo son arrueit exotic generos
de faus ermàs d’eshlors a semblança
brusejant d’absoluts tostemps renviats

qu’auràm deishat dens noste omprèira los maus d’endura
inguaribles la podadura deus lindaus l’horàbandit
prononciat a contras deu ben comun lo tebèr
mortalèr – han’nse seguir l’enfrut
deu noste sabèr : untamis, devantaus de neuriças,
escauhetas de musèu, miralhs venicians,

lacas, marmas, mozarts, vergèrs millenaris

proveduts deus nostes bens e de la noste bontat

aquiu on doman tostemps mei luenh enlà jamei
shens cès ni pausa shens tèrmièra ni matèria endavant
sonque bronida arrajolanta era medisha de pertot
dardalhant ararida inefable amor
esparsida de pertot infinidament desentenuda
infinidament planpausada

qu’auràm lhevat tota ua sason
de temps shens solhevant de guant virat
per nat autes que nos (mes qui ei)

que sauràm disèr (mes a qui) aquo sonque :

aquero ei

(aquo sonque)

aquero

(la mission Magellan qu’a establit, entèr 1989 e 1994, ua cartografia de Vènus seguint diferents paramètras)

(lo vèrs qu’esto expausat ua mesada per 2002)

Alain PRAUD   (heurèr 2000)

traduction (béarnais) :  Jean-Pierre CAZALA   (novembre 2010)

(la version originale, Supplément à la mission Magellan, a été publiée sur ce blog le 29 décembre 2009)

Répondre

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Photo Google

Vous commentez à l’aide de votre compte Google. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s